બનાસકાંઠા SOGની મોટી સફળતા: થરાદ NDPS ગુનાનો વોન્ટેડ આરોપીને ઝડપી પાડ્યો

બનાસકાંઠા ડિસ્ટ્રિક્ટ સ્પેશિયલ ઓપરેશન ગ્રુપ (SOG)ની ટીમે એનડીપીએસ (NDPS) એક્ટ હેઠળના ગુનાઓમાં લાંબા સમયથી નાસતા-ફરતા આરોપીઓને પકડવા માટે આદરેલી ઝુંબેશમાં મોટી સફળતા મેળવી છે. SOGની ટીમે ચોક્કસ બાતમીના આધારે સરહદી થરાદ પંથકમાંથી ડ્રગ્સ કેસના એક રીઢા વોન્ટેડ આરોપીને દબોચી લીધો છે. પોલીસની પકડથી બચવા માટે સતત આશ્રયસ્થાનો બદલતા આ આરોપીને ઝડપી પાડી, SOG ટીમે આગળની કાયદેસરની કાર્યવાહી અને પૂછપરછ માટે તેને સ્થાનિક પોલીસ મથકે સોંપવાની તજવીજ હાથ ધરી છે. આ ધરપકડથી પંથકના નશાના કારોબાર સાથે જોડાયેલા તત્વોમાં ફફડાટ વ્યાપી ગયો છે.