અરવલ્લી LCBની મોટી રેડ: કઠવથ પાસેથી ₹6.66 લાખના મુદ્દામાલ સાથે દારૂનો જથ્થો ઝડપાયો

ગુજરાતમાં દારૂબંધીના કડક અમલ વચ્ચે અરવલ્લી લોકલ ક્રાઈમ બ્રાન્ચ (LCB)ની ટીમે બાતમીના આધારે કઠવથ નજીક સફળ રેડ પાડીને વિદેશી દારૂનો મોટો જથ્થો ઝડપી પાડ્યો છે. સરહદ પારથી ગુજરાતમાં દારૂ ઘૂસાડવાના બુટલેગરોના મનસૂબા પર પાણી ફેરવતા પોલીસે વિદેશી દારૂ અને વાહન સહિત કુલ ₹૬.૬૬ લાખનો મુદ્દામાલ જપ્ત કર્યો છે. આ ગેરકાયદેસર હેરાફેરી મામલે પોલીસે રાજસ્થાનના ૩ રીઢા બુટલેગરોની ઘટનાસ્થળેથી જ ધરપકડ કરી લીધી છે. પ્રોહિબિશન એક્ટ હેઠળ ગુનો નોંધીને આ દારૂ ક્યાંથી લાવવામાં આવ્યો હતો અને કોને સપ્લાય કરવાનો હતો તે દિશામાં પોલીસે આગળની કાયદેસરની તપાસ હાથ ધરી છે.