ભાભર તાલુકા પંચાયતમાં ભાજપના મેન્ડેડ મુજબ શંકુબેન અમૃતજી મકવાણા (ઠાકોર) પ્રમુખ તરીકે અને અગરબેન હરદાસભાઈ રબારી ઉપપ્રમુખ તરીકે નિયુક્ત થયા છે. આ ઉપરાંત, કોમલબેન નવીનભાઈ ચૌધરી કારોબારી ચેરમેન, દીનેશભાઈ રામચંદભાઈ ઠાકોર પક્ષના નેતા અને ભાંણીબેન મહાદેવભાઈ ચૌધરી દંડક તરીકે નિમણૂક પામ્યા છે.
આ વરણી ચૂંટણી અધિકારી રમેશભાઈ ચૌધરી અને ભાભર તાલુકા વિકાસ અધિકારીની ઉપસ્થિતિમાં કરવામાં આવી હતી. તાલુકા પંચાયત ખાતે યોજાયેલી આ વરણી દરમિયાન ભારતીય જનતા પાર્ટીના હોદ્દેદારો, કાર્યકર્તાઓ, ગુમાનસિંહ ચૌહાણ, જિલ્લા પંચાયતના સદસ્ય રજનીશભાઈ ચૌધરી અને ગુજરાત સરકારના મંત્રી સ્વરૂપજી ઠાકોર સહિતના અગ્રણીઓએ નવા હોદ્દેદારોને પુષ્પહાર પહેરાવી વધાવી લીધા હતા.
