ડીસા તાલુકાના નવી ભીલડી ગામે ચોમાસા દરમિયાન નીચાણવાળા વિસ્તારોમાં પાણી ભરાવાની સમસ્યાને લઈને ડીસાના નાયબ કલેક્ટરે સ્થળ મુલાકાત લીધી હતી. આ મુલાકાતનો મુખ્ય હેતુ વરસાદી પાણીના નિકાલના વર્ષો જૂના પ્રશ્નોનો ઉકેલ લાવવાનો હતો. ગામના નીચાણવાળા વિસ્તારોમાં, ખાસ કરીને નવી ભીલડી પ્રાથમિક શાળામાં, ચોમાસામાં ઘૂંટણસમા પાણી ભરાઈ જાય છે. જેના કારણેગોગા મઢ પાર્થ મિક શાળા માંવિદ્યાર્થીઓ ને ત્રણ ચાર દિવસ ની રજા રાખવી પડે છે.
આમ વિધાર્થીઓ ભારે મુશ્કેલીઓનો સામનો કરવો પડે છે. આ સમસ્યા દર વર્ષે ચોમાસામાં પુનરાવર્તિત થાય છે. નાયબ કલેક્ટરે નેશનલ હાઈવે ઓથોરિટી ઓફ ઇન્ડિયા (NHAI) સંબંધિત વિવિધ પ્રશ્નો અને વરસાદી પાણીના નિકાલની સમસ્યા અંગે સ્થળ નિરીક્ષણ કર્યું હતું. આ મુલાકાત દરમિયાન તેમની સાથે તાલુકા વિકાસ અધિકારી, મદદનીશ તાલુકા વિકાસ અધિકારી, તાલુકા પંચાયતના અન્ય કર્મચારીઓ-અધિકારીઓ અને NHAIના કર્મચારીઓ પણ જોડાયા હતા. આ અધિકારીઓએ નવી ભીલડી ગ્રામ પંચાયત કચેરી ખાતે બેઠક યોજી હતી. અને સમસ્યાઓના નિરાકરણ માટે ચર્ચા કરી હતી. ત્યારબાદ ગ્રામ પંચાયત અને NHAIને જરૂરી સૂચનાઓ આપવામાં આવી હતી. જેથી આ વર્ષો જૂની સમસ્યાનો કાયમી ઉકેલ લાવી શકાય.
