અમદાવાદ DCBના NDPS ગુનામાં સંડોવાયેલા આરોપી ને SOGએ ઝડપી પાડ્યો
બનાસકાંઠા SOG પોલીસની ટીમ દ્વારા NDPS ના કેસમાં ફરાર આરોપીને ઝડપી લઈ વધુ તપાસ હાથ ધરી છે.
પાલનપુર શહેર પૂર્વ પોલીસ સ્ટેશન વિસ્તારમાં એસ.ઓ.જી. પોલીસના એ.એસ.આઈ સિકંદરખાન દોલતખાન, અ.હેડ કોન્સ્ટેબલ ગૌરવકુમાર ઉત્તમલાલ અને અ.પો.કો. સંકેત મોતીભાઈ સહિતનો સ્ટાફ નાઇટ પેટ્રોલિંગમાં હતો. દરમિયાન મળેલી બાતમીના આધારે અમદાવાદ શહેર DCB પોલીસ સ્ટેશનમાં નોંધાયેલા NDPS એક્ટની કલમ 8(C), 21 (C) અને 29 મુજબના ગુનામાં સંડોવાયેલા આરોપી ફૈસલમીયા સ/ઓ હુસેનમિયા સિંધી (ઉં.વ.31), રહે.ખારાવાસ, પાણીની ટાંકી પાસે, પાલનપુરને ખારાવાસ ચોક નજીકથી ઝડપી પાડ્યો હતો.
SOG પોલીસે આરોપીને કચેરી ખાતે લાવી પૂછપરછ કરી હતી. ત્યારબાદ આગળની કાર્યવાહી માટે સંબંધિત પોલીસ સ્ટેશનને સોંપવાની કાર્યવાહી હાથ ધરવામાં આવી છે. આરોપી સામે નોંધાયેલા મૂળ NDPS ગુનાના તપાસ અધિકારી તેમજ અમદાવાદ શહેર DCB પોલીસ સ્ટેશનને તેની ધરપકડ અંગે જાણ કરી વધુ કાયદેસરની કાર્યવાહી હાથ ધરવામાં આવી છે.
