ભાભર શહેર તેમજ તાલુકામાં આજરોજ રવિવારના રોજ મતદાર સુધારણા કાર્યક્રમ અંતર્ગત ખાસ ઝુંબેશ હાથ ધરવામાં આવી હતી. આ ઝુંબેશ દરમિયાન ભાભરના વિવિધ મતદાન મથકો પર બૂથ લેવલ ઓફિસર ઉપસ્થિત રહી મતદાર યાદી સુધારણાની કામગીરી હાથ ધરી હતી.
આ કામગીરીમાં નવા મતદારોનાં નામ મતદાર યાદીમાં નોંધવા, સ્થળાંતર કરી ગયેલા મતદારોનાં નામ કમી કરવા તેમજ મૃત્યુ પામેલા મતદારોનાં નામ દૂર કરવા સહિતની વિવિધ પ્રક્રિયાઓ માટે જરૂરી ફોર્મ ભરવામાં આવ્યાં હતાં.
