પાલનપુર માંથી ગાંજા સાથે એક ઇસમની અટકાયત

પાલનપુરમાં માદક દ્રવ્યોનું વેચાણ વધ્યું હોવાની ફરિયાદો વચ્ચે પાલનપુર શહેર પશ્ચિમ પોલીસે સુખબાગ રોડ સલાટવાસમાં રેડ કરી એક ઇસમને ગાંજાના જથ્થા સાથે ઝડપી લઈ વધુ તપાસ હાથ ધરી છે. પાલનપુર શહેરના સુખબાગ રોડ ત્રણ રસ્તા પર સલાટવાસમાં કાચા રહેણાંક મકાનમાં માદક પદાર્થ ગાંજાનું વેચાણ થતું હોવાની બાતમી પાલનપુર શહેર પશ્ચિમ પોલીસને મળી હતી. જે બાતમીના આધારે પોલીસે રેડ કરી હતી. રેડ દરમિયાન ગાંજાના જથ્થા સાથે એક વ્યક્તિ ઝડપાયો હતો. પાલનપુર શહેર પશ્ચિમ પોલીસે વનાભાઈ રૂપાભાઈ સલાટ ગાંજાના જથ્થા સાથે ઝડપી લઈ ગુનો નોંધી તપાસ હાથ છે.