‘રક્તદાન એ જ મહા દાન’ના સૂત્ર સાથે આયોજીત રક્તદાન કેમ્પને જન સમર્થન
બનાસકાંઠા જિલ્લાના રાજકીય અને સામાજિક ક્ષેત્રના અગ્રણી, રબારી સમાજના મોભી તથા ડીસા બજાર સમિતિ (માર્કેટયાર્ડ) ના ચેરમેન અને પૂર્વ ધારાસભ્ય ગોવાભાઈ રબારીના જન્મદિવસ નિમિત્તે એક અનોખી અને પ્રેરણાદાયી સેવાકીય પહેલ કરવામાં આવી છે. જેના ભાગરૂપે સોમવારના રોજ ડીસા માર્કેટયાર્ડના પ્રાંગણમાં એક વિશાળ રક્તદાન કેમ્પનું ભવ્ય આયોજન કરવામાં આવ્યું હતું
“રક્તદાન એ જ મહાદાન”ના પવિત્ર સૂત્રને સાર્થક કરતા આ મેગા બ્લડ ડોનેશન કેમ્પનો પ્રારંભ સોમવારે સવારે ૮:૦૦ વાગ્યાથી થયો.આ કેમ્પનો મુખ્ય હેતુ હોસ્પિટલોમાં ગંભીર બીમારીઓ સામે લડી રહેલા અથવા અકસ્માતની સારવાર લઈ રહેલા ગરીબ અને જરૂરિયાતમંદ દર્દીઓને સમયસર લોહી મળી રહે અને તેમનો કિંમતી જીવ બચાવી શકાય તે માટે મદદરૂપ થવાનો છે. ગોવાભાઈ રબારીના જન્મદિવસની આવી સરાહનીય અને માનવતાવાદી ઉજવણીને સમગ્ર પંથકમાં આવકાર મળી રહ્યો છે. આ કેમ્પમાં ડીસા પંથકના તમામ રક્તદાતાઓ, ઉત્સાહી યુવાનો અને સેવાભાવી નાગરિકોને આ કેમ્પમાં મોટી સંખ્યામાં ઉમટી પડ્યા હતા અને કેમ્પને સફળ બનાવ્યો હતો.
