સામાન્ય સભા બાદ તમામ સમિતિના ચેરમેનનું મોં મીઠું કરાવીને સન્માનિત કરાયા
પાટણ જિલ્લા પંચાયત ખાતે સાત સમિતિઓના ચેરમેનોની સર્વાનુમતે વરણી કરવામાં આવી છે. અગાઉ મળેલી સામાન્ય સભામાં આ સમિતિઓમાં સભ્યોની નિમણૂક કરાઈ હતી.
આ પ્રસંગે જિલ્લા પંચાયતના પ્રમુખ ભાવિકભાઈ પટેલ, જિલ્લા વિકાસ અધિકારી અને અન્ય ચૂંટાયેલા સભ્યો ઉપસ્થિત રહ્યા હતા.નવીન ચેરમેનોનું મોં મીઠું કરાવી અને બુકે આપી સન્માન કરવામાં આવ્યું હતું.નવા વરાયેલા ચેરમેનોએ જણાવ્યું હતું કે, આગામી સમયમાં જિલ્લામાં બાકી રહેલા વિકાસના કામો પૂરા કરવા માટે સૌને સાથે રાખીને કામગીરી કરવામાં આવશે. સાત સમિતિઓના વરાયેલા ચેરમેનો મા સામાજિક ન્યાય સમિતિ ચેરમેન દક્ષાબેન અશોકભાઈ પરમાર (વામૈયા જિલ્લા પંચાયત સીટ), મહિલા અને બાળ કલ્યાણ સમિતિના ચેરમેન જલાબેન રાજસીજી ઠાકોર (મેમદાવાદ જિલ્લા પંચાયત સીટ) કારોબારી સમિતિના ચેરમેન પ્રહલાદભાઈ રામચંદભાઈ ઠાકોર (મેસર જિલ્લા પંચાયત સીટ)સહકાર અને સિંચાઈ સમિતિના ચેરમેન જાંતા
બેન કરમણજી ઠાકોર (રોડા જિલ્લા પંચાયત સીટ), શિક્ષણ સમિતિના ચેરમેન ધનીબેન વિક્રમજી ઠાકોર (ગોચનાદ જિલ્લા પંચાયત સીટ), બાંધકામ સમિતિના ચેરમેન ભીખીબેન પ્રકાશભાઈ રાઠોડ (શંખેશ્વર જિલ્લા પંચાયત સીટ) અને આરોગ્ય સમિતિના ચેરમેન હીનાબેન ભીખાભાઈ ચૌધરી (કોલીવાડા જિલ્લા પંચાયતસીટ)નો સમાવેશ થાય છે.
