અંબાજી ખાતે બનાસકાંઠા ડેકોર સમીટ -૨૦૨૬ નું આયોજન
બનાસકાંઠા જિલ્લા મંડપ, લાઈટ અને સાઉન્ડ એસોસિએશન બી. કે. એક્સ્પો સમિટ-2026 નું બે દિવસીય ભવ્ય આયોજન કરવામાં આવ્યું છે. જે 26 ઓગસ્ટ સુધી ચાલશે, આ સમિટમાં મંડપ, લાઈટ, સાઉન્ડ સહિતના રાજ્ય નહીં પણ દેશના વિવિધ રાજ્યોમાં મંડપ અને ડેકોરેશનના વ્યવસાય સાથે સંકળાયેલા વેપારીઓ અને વ્યવસાયિકોને એક મંચ પર જોવા મળ્યા હતા. સમિટનું ઉદ્ઘાટન તથા દીપ પ્રાગટ્ય મુખ્ય અતિથિ મંડપ હાયરર્સ ઇલેક્ટ્રિકલ એસોસિએશન, ગુજરાતના પ્રમુખ જગદીશભાઈ પરમાર, મંત્રી રાજુભાઈ અમીનના હસ્તે કરવામાં આવ્યું હતું.
આ કાર્યક્રમમાં ઉપસ્થિત રહેલા મંડપ અને લાઈટ ડેકોરેશનનું કામ કરતા વેપારીઓએ જણાવ્યું હતું કે આગામી સમયમાં લગ્નની સીઝન આવી રહી છે ત્યારે લોકો લગ્ન પ્રસંગે લગ્ન મંડપમા નવીનતાની ડિમાન્ડ કરતા હોય છે ત્યારે આજે માત્ર ગુજરાતને પણ અનેક રાજ્યોમાંથી અહીંયા અનેક વેરાઇટીસ લગ્નને લગતી જોવા મળી રહી છે અને કોઈને બહાર ન જવું પડે અને એક જ સ્થળેથી બધાને વેરાઇટીસ મળી રહે તેવું આયોજન કરવામાં આવ્યું છે. અંબાજી ખાતે યોજાયેલા આ એક્સ્પો સમીટ 2026 માં 100 ઉપરાંત વિવિધ વેરાઈટીઝ વાળા લાઈટ ડેકોરેશન મંડપ તેમજ લગ્નને લગતી અન્ય સામગ્રીના સ્ટોલો આકર્ષણનું કેન્દ્ર બન્યા હતા.
