કાંકરેજ તાલુકાના કસરા ગામે ખેડૂતની ચોરાયેલી મોટરના ગુનાનો ભેદ શિહોરી પોલીસે ટેક્નિકલ સર્વેલન્સની મદદથી ઉકેલી બે આરોપીઓને ચોરાયેલા મુદ્દામાલ સાથે ઝડપી પાડ્યા છે.
પ્રાપ્ત માહિતી અનુસાર, કસરા ગામની સીમમાં તળાવ પાસે એક ખેડૂતની મોટર ચોરી થઈ હતી. આ બનાવ અંગે શિહોરી પોલીસ સ્ટેશનમાં ફરિયાદ નોંધાતા પોલીસે ગુનો નોંધી તપાસ શરૂ કરી હતી.તપાસ દરમિયાન પોલીસે ટેક્નિકલ સર્વેલન્સનો ઉપયોગ કરીને આરોપીઓ સુધી પહોંચી વિક્રમભાઈ નટવરભાઈ પટણી અને નિકુલ જગદીશભાઈ પંચાલને ચોરાયેલી મોટર સાથે ઝડપી પાડ્યા હતા. બંને આરોપીઓ કસરા ગામના રહેવાસી હોવાનું જાણવા મળ્યું છે. પોલીસે ચોરાયેલો મુદ્દામાલ કબજે લઈ બંને આરોપીઓ સામે કાયદેસરની કાર્યવાહી હાથ ધરી છે. સમગ્ર મામલે શિહોરી પોલીસ દ્વારા વધુ તપાસ ચાલુ છે.
