તાલુકા ભારતીય કિસાન ટીમનો લોકસંપર્ક કાયૅક્રમ યોજાયો
ખેડૂતોને રાત્રિ દરમિયાન પડતી વીજળીની સમસ્યા અંગે ભારતીય કિસાન સંઘ, બનાસકાંઠા દ્વારા આંદોલનની જાહેરાત સંદર્ભે વડગામ તાલુકાના તમામ ખેડૂતો નો ટેકો જાહેર કર્યો હોવાનું વડગામ ભારતીય કિસાન સંઘ પ્રમુખ લક્ષ્મણભાઈ મહિવાલ નાનોસણા, મહામંત્રી રણુભા ડાભી, અંધારીયા, ભિખાભાઈ ડી.ચૌધરી પુવૅ.મામમલતદાર વરસડા, સરદારભાઈ ચૌધરી હરદેવાસણા, ઉદયસિંહ એમ.સોલંકી આચાર્ય સરસ્વતી કન્યા વિદ્યાલય વડગામ,વડગામ તાલુકાના સહકારી, રાજકીય અગ્રણી ભરતભાઈ જી. ડેકલીયા વગેરે એ એક મુલાકાતમાં જણાવ્યું હતું.
બનાસકાંઠા જિલ્લાના ખેડૂતો રાત્રિના સમયે પોતાના પરિવાર સાથે ખેતરમાં વસવાટ કરે છે. પરંતુ હાલમાં રાત્રિના સમયે ખેતરોમાં આપવામાં આવતી સિંગલ ફેઝ લાઈટ સાંજના ૭ થી રાત્રિના ૯:૦૦ વાગ્યા સુધી બંધ કરી દેવામાં આવે છે. વીજ કંપનીના આ નિર્ણયને કારણે ખેડૂતો અને તેમના પરિવારો ભારે હાલાકીનો સામનો કરી રહ્યા છે.
આ અન્યાયી નિર્ણય સામે વિરોધ નોંધાવવા માટે ભારતીય કિસાન સંઘ, બનાસકાંઠા દ્વારા આગામી તારીખ ૫-૧૦-૨૦૨૬ ના રોજ એક મોટા આંદોલનની જાહેરાત કરવામાં આવી છે. જેમાં જોડાવવા વડગામ તાલુકાના ખેડૂતો ના લોકસંપર્ક દરમિયાન જબરદસ્ત પ્રતિસાદ મળ્યો છે જેમાં વડગામ તાલુકાના હજારો ખેડૂતોએ સમર્થન આપ્યું છે.
