પાટણ જિલ્લા SOG ટીમે સમી વિસ્તારમાંથી એક બોગસ તબીબને ઝડપી પાડ્યો છે. આ શખ્સ કોઈપણ માન્ય મેડિકલ ડિગ્રી કે લાયસન્સ વગર પ્રેક્ટિસ કરતો હતો. SOG ટીમે મેડિકલ ઓફિસર સાથે રાખીને કાર્યવાહી કરી હતી.આ કાર્યવાહી દરમિયાન બોગસ તબીબ પાસેથી ઇન્જેક્શનો, દવાઓ અને તબીબી સાધનો સહિત કુલ રૂ. 8,460 નો મુદ્દામાલ જપ્ત કરવામાં આવ્યો હતો.આરોપી સામે સંબંધિત પોલીસ સ્ટેશનોમાં બી.એન.એસ-2023 અને મેડિકલ પ્રેક્ટિશનર એક્ટની કલમો હેઠળ ગુનો નોંધવામાં આવ્યો છે.
પાટણ જિલ્લામાં સામાન્ય પ્રજાના આરોગ્ય સાથે ચેડા કરતા નકલી ડોક્ટરો સામે કાયદાકીય રીતે કડક હાથે કામ લેવાની કાયદાકીય રીતે કડક હાથે કામ લેવાની સૂચના આપવામાં આવી હતી. આ સૂચના અને SOG પાટણના માર્ગદર્શન હેઠળ અલગ-અલગ ટીમો બનાવવામાં આવી હતી.ઝડપાયેલા આરોપી જુબેરખાન મોરાદખાન ખોખર (ઉંમર 26, રહે. મુજપુર, તા. શંખેશ્વર, જી. પાટણ) સામે સમી પોલીસ સ્ટેશનમાં ગુનો દાખલ કરવામાં આવ્યો છે.
