શામળાજી પોલીસની સફળતા: ગુમ થયેલો મોબાઈલ શોધી અરજદારને સોંપાયો

ટેક્નોલોજીના યોગ્ય ઉપયોગથી ગુનાખોરી ડામવા અને પ્રજાલક્ષી કામગીરી કરવામાં અરવલ્લીની શામળાજી પોલીસને મોટી સફળતા મળી છે. શામળાજી પોલીસે આધુનિક CEIR (Central Equipment Identity Register) પોર્ટલની મદદથી એક અરજદારનો ગુમ થયેલો કિંમતી મોબાઈલ ફોન શોધી કાઢ્યો છે. પોલીસ ટીમે ટેકનિકલ સોર્સના આધારે ફોન ટ્રેસ કરીને મૂળ માલિકને પરત સોંપતા અરજદારે પોલીસ તંત્રનો આભાર વ્યક્ત કર્યો હતો. આ કામગીરીથી સ્થાનિક પોલીસની સરાહના થઈ રહી છે.