શામળાજી પોલીસની સરાહનીય કામગીરી: CEIR પોર્ટલની મદદથી ગુમ થયેલો મોબાઈલ શોધી મૂળ માલિકને સોંપ્યો

ટેકનોલોજીના આધુનિક યુગમાં મોબાઈલ ફોન ગુમ થવો કે ચોરી થવો એ સામાન્ય બાબત બની ગઈ છે, પરંતુ અરવલ્લી જિલ્લાની શામળાજી પોલીસે ટેકનોલોજીનો સચોટ ઉપયોગ કરીને એક પ્રશંસનીય કામગીરી કરી બતાવી છે. શામળાજી પોલીસ સ્ટેશનની ટીમે કેન્દ્ર સરકારના CEIR (Central Equipment Identity Register) પોર્ટલની મદદથી એક નાગરિકનો ગુમ થયેલો કિંમતી મોબાઈલ ફોન શોધી કાઢ્યો છે. પોલીસે કાયદેસરની કાર્યવાહી પૂર્ણ કરી આ ફોન તેના મૂળ માલિકને પરત સોંપતા, માલિકના ચહેરા પર ખુશીની લહેરો છવાઈ ગઈ હતી અને તેમણે પોલીસ તંત્રનો આભાર માન્યો હતો.