કારનો કચ્ચરઘાણ, સદનસીબે જાનહાની ટળી
દાંતા તાલુકાના રતનપુર નજીક ટ્રક અને કિયા કાર વચ્ચે ધડાકાભેર અકસ્માત સર્જાતા ઘટના સ્થળે અફરાતફરીનો માહોલ સર્જાયો હતો. અકસ્માતની તીવ્રતા એટલી ગંભીર હતી કે કિયા કારનો આગળનો ભાગ સંપૂર્ણપણે કચ્ચરઘાણ થઈ ગયો હતો.
અકસ્માત બાદ ઘટનાસ્થળે લોકોના ટોળેટોળા ઉમટી પડ્યા હતા. અકસ્માતની જાણ થતાં આસપાસના લોકો તાત્કાલિક મદદ માટે દોડી આવ્યા હતા. ઘટનાના પગલે રતનપુર નજીક રસ્તા પર વાહનોની અવરજવર પર પણ અસર જોવા મળી હતી. હાલ મળતી પ્રાથમિક માહિતી મુજબ અકસ્માતમાં કોઈ જાનહાનિ થઈ હોવાના સમાચાર નથી. જોકે, કિયા કારમાં કેટલા લોકો સવાર હતા અને તેઓને કોઈ ઈજા થઈ છે કે કેમ તે અંગે વધુ વિગતોની રાહ જોવાઈ રહી છે.
દરમિયાન અકસ્માતની ઘટનાનો વીડિયો પણ સોશિયલ મીડિયામાં વાયરલ થયો છે. અકસ્માત કયા કારણોસર સર્જાયો ? તે અંગે પોલીસ દ્વારા તપાસ હાથ ધરવામાં આવશે. અકસ્માતને પગલે સ્થાનિક તંત્ર દ્વારા પણ જરૂરી કાર્યવાહી કરવામાં આવી રહી છે.
