સાબરકાંઠા જિલ્લામાં નશાબંધીના કાયદાનું કડક પાલન કરાવવા પોલીસ સક્રિય બની છે, ત્યારે ખેરોજ પોલીસને એક મોટી સફળતા મળી છે. પોલીસ દ્વારા હાથ ધરવામાં આવેલા વાહન ચેકિંગ દરમિયાન એક શંકાસ્પદ કારમાંથી 8 કિલોથી વધુ ગાંજાનો જથ્થો ઝડપી પાડવામાં આવ્યો છે.
મળતી માહિતી મુજબ, ખેરોજ પોલીસની ટીમ નાકાબંધીમાં હતી તે દરમિયાન એક કારને ઉભી રાખી તલાશી લેતા તેમાંથી માદક પદાર્થ ગાંજો મળી આવ્યો હતો. પોલીસે ગાંજાનો જથ્થો અને વાહન કબજે કરી એક શખ્સની અટકાયત કરી છે. આ નશાનો સામાન ક્યાંથી લાવવામાં આવ્યો હતો અને ક્યાં લઈ જવાનો હતો તે દિશામાં પોલીસે તપાસના ચક્રો ગતિમાન કર્યા છે.
આ કાર્યવાહીથી નશાનો વેપાર કરતા તત્વોમાં ફફડાટ વ્યાપી ગયો છે.
