સાબરકાંઠા LCBનો સપાટો: 13 ચોરાયેલી બાઇક સાથે બાળ કિશોર સહિત 5 ઝડપાયા

સાબરકાંઠા લોકલ ક્રાઈમ બ્રાન્ચ (LCB) એ વાહન ચોરી કરતી ગેંગ સામે મોટી સફળતા મેળવી છે. LCB પોલીસે બાતમીના આધારે સપાટો બોલાવીને અલગ-અલગ વિસ્તારોમાંથી ચોરી થયેલી કુલ 13 બાઇકો રિકવર કરી છે. આ મામલે પોલીસે એક કાયદાના સંઘર્ષમાં આવેલા બાળ કિશોર સહિત કુલ પાંચ શખ્સોની ધરપકડ કરી છે. પ્રાથમિક પૂછપરછ બાદ ઝડપાયેલા તમામ આરોપીઓને મુદ્દામાલ સાથે આગળની કાયદેસરની કાર્યવાહી માટે ખેરોજ પોલીસ સ્ટેશનને સોંપવામાં આવ્યા છે. આ સફળતાથી પંથકમાં બાઇક ચોરીના અનેક ગુનાઓનો ભેદ ઉકેલાયો છે.