પ્રકૃતિ પ્રેમીઓ માટે અતિ લોકપ્રિય એવા સાબરકાંઠાના પ્રાકૃતિક અને ઐતિહાસિક પોળો જંગલ (Polo Forest) ની પવિત્રતા અને જૈવવિવિધતાને બચાવવા માટે વહીવટી તંત્ર દ્વારા એક અત્યંત મહત્વપૂર્ણ અને સરાહનીય નિર્ણય લેવામાં આવ્યો છે. જિલ્લા કલેક્ટર દ્વારા પોળો જંગલ વિસ્તારમાં ભારે વાહનો અને પ્લાસ્ટિકના ઉપયોગ પર સંપૂર્ણ પ્રતિબંધ ફરમાવતું કડક જાહેરનામું બહાર પાડવામાં આવ્યું છે.
ભવ્ય હરિયાળી, પ્રાચીન મંદિરો અને કુદરતી સૌંદર્યને માણવા માટે મોટી સંખ્યામાં સહેલાણીઓ અહીં આવતા હોય છે. પરંતુ, અનિયંત્રિત પર્યટનને કારણે થતું પ્રદૂષણ અને પ્લાસ્ટિક કચરાનો ફેલાવો આ નાજુક ઇકો-સિસ્ટમ માટે મોટો ખતરો બની રહ્યો હતો. આ ગંભીર સમસ્યાને ધ્યાનમાં રાખીને તંત્રએ પર્યાવરણની રક્ષા માટે આ આદરૂપ પગલું ભર્યું છે.
આ નવા જાહેરનામા મુજબ, હવે પોળોના સંવેદનશીલ જંગલ વિસ્તારમાં પ્રદૂષણ ફેલાવતા પ્લાસ્ટિકના ઝબલા, બોટલો અને અન્ય ચીજવસ્તુઓ લઈ જવા પર પ્રતિબંધ રહેશે, સાથે જ અવાજ અને હવાઈ પ્રદૂષણ ફેલાવતા ભારે વાહનોની અવરજવર પર પણ રોક લગાવી દેવામાં આવી છે. તંત્રના આ કડક આદેશથી જંગલની કુદરતી સુંદરતા જળવાઈ રહેશે અને પ્રદૂષણમુક્ત ઇકો-ટુરિઝમને મોટું પ્રોત્સાહન મળશે.
