વાવ-થરાદ પંથકમાં લાંબા સમય બાદ વરસાદની ધમાકેદાર એન્ટ્રી

વાવ-થરાદ જિલ્લામાં લાંબા સમય બાદ મેઘરાજાની એન્ટ્રી તો થઈ છે, પરંતુ આ વરસાદે સ્થાનિક તંત્ર અને નગરપાલિકાના વિકાસના દાવાઓની પોલ ખોલી નાખી છે. વહેલી સવારે થરાદ પંથકમાં વાતાવરણમાં પલટો આવ્યા બાદ પવન સાથે વરસાદ વરસ્યો હતો, પરંતુ આ સામાન્ય વરસાદમાં જ શહેરમાં પાણી ભરાવાની ગંભીર સમસ્યા સામે આવી છે. થરાદના આશાપુરી વિસ્તારમાં રસ્તાઓ અને ઘરની આગળ પાણી ભરાઈ જતા નાના માસૂમ બાળકોને પાણીમાંથી પસાર થઈને સ્કૂલે જવાની ફરજ પડી હતી. તો બીજી તરફ બલિયા હનુમાન ચોક અને બસ સ્ટેશન જેવા મુખ્ય વિસ્તારોમાં રોડ પર પાણી ભરાતા રાહદારીઓ અને વાહનચાલકો મુશ્કેલીમાં મુકાયા છે. સ્થાનિક લોકોનો આક્ષેપ છે કે અનેકવાર રજૂઆતો કરવા છતાં તંત્ર દ્વારા વરસાદી પાણીના નિકાલ માટે આજદિન સુધી કોઈ જ કાયમી વ્યવસ્થા કરવામાં આવી નથી.