પાટણમાં પ્રાથમિક શિક્ષકોએ પડતર માંગણીઓ માટે ધરણા કર્યા

જૂની પેન્શન યોજના સહિતની માંગણીઓ નહીં સંતોષાય તો રાજ્યકક્ષાએ આંદોલનની ચીમકી

પાટણ જિલ્લા પ્રાથમિક શિક્ષક સંઘ દ્વારા વિવિધ પડતર માંગણીઓને લઈને એક દિવસીય ધરણા કાર્યક્રમ યોજાયો હતો.અખિલ ભારતીય પ્રાથમિક શિક્ષક સંઘ અને રાજ્ય પ્રાથમિક શિક્ષક સંઘના આદેશ અનુસાર આ કાર્યક્રમનું આયોજન કરાયું હતું. જિલ્લા ભર માંથી મોટી સંખ્યામાં શિક્ષકો ઉપસ્થિત રહ્યા હતા અને નાયબ કલેક્ટર મારફતે સરકારને આવેદનપત્ર પાઠવવામાં આવ્યું હતું.

પાટણ જિલ્લા પ્રાથમિક શિક્ષક સંઘના પ્રમુખે જણાવ્યું હતું કે,શિક્ષકોની મુખ્ય માંગણીઓમાં 23 ઓગસ્ટ 2010 પહેલાંના શિક્ષકો માટે TET પરીક્ષાનો મુદ્દો અને વર્ષ 2005 પછીના શિક્ષકોને જૂની પેન્શન યોજનાનો લાભ આપવાનો સમાવેશ થાય છે.આ ઉપરાંત, H-TET મુખ્ય શિક્ષકોને નજીકની શાળામાં બદલી આપવા, BRC અને CRC ના કૂલિંગ પિરિયડ અંગે યોગ્ય નિર્ણય લેવા અને બિન-શૈક્ષણિક કામગીરીઓ સંદર્ભે પણ રજૂઆત કરવામાં આવી હતી. ધોરણ 6 થી 8 ના શિક્ષકોને યોગ્ય ગ્રેડ-પે મળે તેવી પણ માંગણી કરાઈ હતી.જિલ્લા કક્ષાના ઘરણા અને જિતેન્દ્રકુમાર પટેલે આગામી રણનીતિ અંગે માહિતી આપતા ઉમેર્યું હતું કે, રાજ્યના તમામ જિલ્લાઓમાં આ પ્રકારના ધરણા કાર્યક્રમ પૂર્ણ થયા બાદ આગામી સમયમાં ગાંધીનગર ખાતે રાજ્યકક્ષાનો ધરણા કાર્યક્રમ યોજવામાં આવશે. આ કાર્યક્રમમાં રાજ્યના તમામ જિલ્લાઓ માંથી શિક્ષકો જોડાશે. આજની કાળઝાળ ગરમીમાં પણ 1000 થી 1100 થી વધુ શિક્ષકો પોતાના હક માટે ઉપસ્થિત રહ્યા હતા.