પ્રાંતિજ પોલીસ એક્શન મોડમાં: ૧૭૫ ગ્રામ ગાંજા સાથે એક ઇસમ પકડાયો, NDPS હેઠળ ગુનો નોધાયો

પ્રાંતિજ પોલીસે નશાના કારોબાર પર લાલ આંખ કરીને બાતમીના આધારે ઓપરેશન હાથ ધરી એક ઇસમને ગેરકાયદેસર નશીલા પદાર્થ સાથે ઝડપી પાડ્યો છે. પોલીસે ચોક્કસ વોચ ગોઠવીને આરોપી પાસેથી ₹૮,૭૬૦ ની કિંમતનો ૧૭૫ ગ્રામ ગાંજાનો જથ્થો જપ્ત કર્યો છે. યુવાધનને નશાના રવાડે ચઢાવતા આ દૂષણને ડામવા માટે પોલીસે પકડાયેલા શખ્સ વિરૂદ્ધ NDPS એક્ટ હેઠળ ગુનો નોંધી, આ નશાનું નેટવર્ક ક્યાં સુધી જોડાયેલું છે તે દિશામાં સઘન તપાસ શરૂ કરી છે.