બનાસકાંઠા જિલ્લામાં નશાકારક પદાર્થોનું વેચાણ અને હેરાફેરી અટકાવવા માટે ચલાવવામાં આવી રહેલા "NO DRUGS IN BANASKANTHA" અભિયાન અંતર્ગત બનાસકાંઠા SOG (સ્પેશિયલ ઓપરેશન ગ્રુપ) ટીમે મોટી સફળતા મેળવી છે. ડીસા રૂરલ પોલીસ સ્ટેશન વિસ્તારના સમૌ (નાના) ગામેથી કરિયાણાની દુકાનની આડમાં ચાલતા માદક પદાર્થ પોષડોડાના ગેરકાયદે વેચાણનો પર્દાફાશ કરી એક ઈસમની અટકાયત કરવામાં આવી છેમળતી માહિતી મુજબ, બનાસકાંઠા રેન્જ આઈજી શ્રી પરીક્ષિતા રાઠોડ તથા પોલીસ અધિક્ષક શ્રી પ્રશાંત સુંબે દ્વારા રાજ્ય સરકારની ‘ઝીરો ટોલરન્સ’ નીતિ અન્વયે નશાકારક પદાર્થોની પ્રવૃત્તિઓ નેસ્તનાબૂદ કરવા આપેલી સૂચના આધારે SOG PI બી.કે.ચૌધરી અને PSI શ્રી કે.એ.કોડીયાતરની માર્ગદર્શન હેઠળ અલગ-અલગ ટીમો કાર્યરત હતી.દરમિયાન, SOG ના પો.કોન્સ. માવજીભાઈ સરતાનભાઈને મળેલ ચોક્કસ બાતમીના આધારે સમૌ (નાના) ગામે શંકર ભગવાનના મંદિર પાસે રહેતા ઈશ્વરલાલ કાંતીલાલ ઠક્કર (ઉ.વ. ૪૯)ના મકાન તેમજ કરિયાણાની દુકાનમાં રેઈડ પાડવામાં આવી હતી.
તપાસ દરમિયાન દુકાનમાંથી ગેરકાયદેસર રાખવામાં આવેલ માદક પદાર્થ પોષડોડાનો જથ્થો મળી આવ્યો હતો.જપ્ત કરાયેલ મુદ્દામાલ પોષડોડા (માદક પદાર્થ): ૫.૪૫૦ કિલોગ્રામ (કિંમત રૂ. ૮૧,૭૫૦/-)રોકડ રકમ: રૂ. ૧૦,૯૨૨/-એન્ડ્રોઈડ મોબાઈલ: ૧ નંગ (કિંમત રૂ. ૧૦,૦૦૦/-કુલ મુદ્દામાલ: રૂ. ૧,૦૨,૬૭૨/-SOG ટીમે કુલ રૂ. ૧,૦૨,૬૭૨/- નો મુદ્દામાલ કબજે કરી આરોપી ઈશ્વરલાલ ઠક્કર વિરુદ્ધ NDPS એક્ટ મુજબ ડીસા રૂરલ પોલીસ સ્ટેશન ખાતે ગુનો નોંધી કાયદેસરની કાર્યવાહી હાથ ધરી છે.
