ડીસા નગરપાલિકાના નવા પ્રમુખ અને ઉપપ્રમુખની વરણી

ડીસા નગરપાલિકાના હોદ્દેદારોની મુદત પૂર્ણ થતાં આગામી અઢી વર્ષની નવી ટર્મ માટે નવા હોદ્દેદારોની વરણી પ્રક્રિયા આજે ઉત્સાહભર્યા વાતાવરણમાં સંપન્ન થઈ હતી.નાયબ કલેકટર કિશનદાન ગઢવી ની ઉપસ્થિતિ માં યોજાયેલ આ ચૂંટણી પ્રક્રિયા માં પક્ષના મોવડીમંડળ દ્વારા જાહેર કરાયેલા મેન્ડેટ અનુસાર ડીસા નગરપાલિકાના પ્રમુખ તરીકે કૌશિકભાઈ સાધુ અને ઉપપ્રમુખ તરીકે  પલ્લવીબેન કનુભાઈ જોશી બિનહરીફ ચૂંટાઈ આવ્યા છે.​નવા હોદ્દેદારોની જાહેરાત થતાં જ કાર્યકરો અને સમર્થકોમાં ભારે ઉત્સાહ જોવા મળ્યો હતો અને ફટાકડા ફોડી, મોં મીઠા કરાવીને આ નિર્ણયને આવકારવામાં આવ્યો હતો.​નગરપાલિકાના વહીવટને વધુ વેગવંતો બનાવવા માટે અન્ય મહત્વના પદો પર પણ અનુભવી અને સક્રિય સદસ્યોની નિમણૂક કરવામાં આવી છે જેમાં ​કારોબારી ચેરમેન તરીકે  પરેશભાઈ લીંબુવાલા​શાસક પક્ષના નેતા તરીકે  શૈલેષભાઈ રાયગોર તેમજ ​દંડક  તરીકે  કિરણબેન રણજીતભાઈ વાઘેલા ની વરણી કરવામાં આવી છે ​..આ પ્રસંગે  સંગઠનના હોદ્દેદારો, નગરપાલિકાના સદસ્યો અને મોટી સંખ્યામાં નાગરિકોએ તમામ નવનિયુક્ત પદાધિકારીઓને પુષ્પગુચ્છ આપીને ઉજ્જવળ કાર્યકાળ માટે શુભેચ્છાઓ પાઠવી હતી.