એલસીબી પાલનપુરની કાર્યવાહીમાં ચોરીની બે મોટર સાઇકલ સહિત રૂ.1 લાખનો મુદ્દામાલ કબજે
બનાસકાંઠા જિલ્લામાં વાહનચોરીના 45થી વધુ ગુનાઓમાં સંડોવાયેલા બે આરોપીઓને એલસીબી પાલનપુર પોલીસે ઝડપી પાડ્યા છે. પોલીસે તેમની પાસેથી ચોરીની બે મોટરસાઇકલ સહિત કુલ રૂ.1 લાખનો મુદ્દામાલ કબજે કર્યો છે. પોલીસને હ્યુમન સોર્સ અને ટેકનિકલ લીડના આધારે નરપતસિંહ ઉર્ફે નપીયો રામસિંહ બાદરસિંહ રાજપુત અને ચેતનસિંહ ઉર્ફે ભગત ઉકાજી ચમનાજી રાજપુત (બંને રહે. સીયા, તા. ધાનેરા) અંગે માહિતી મળી હતી. જેના આધારે પોલીસે વોચ ગોઠવી બંને આરોપીઓને ઝડપી પાડ્યા હતા.
તપાસ દરમિયાન તેમની પાસેથી હીરો એચએફ ડીલક્સની બે મોટરસાઇકલ મળી આવી હતી. આરોપીઓ સામે કાયદેસરની કાર્યવાહી હાથ ધરવામાં આવી છે. પોલીસ પૂછપરછમાં ભીલડી અને ડીસા રૂરલ પોલીસ મથકના વાહનચોરીના બે ગુનાઓનો ભેદ ઉકેલાયો હોવાનું પોલીસે જણાવ્યું છે. વધુ તપાસ હાથ ધરવામાં આવી છે.
