મોડાસા પાલિકાએ વૃક્ષારોપણ કરી પ્રકૃતિ જતનનો આપ્યો સંદેશ

સમગ્ર વિશ્વમાં પ્રકૃતિના જતન અને સંવર્ધનના સંકલ્પ સાથે 'વિશ્વ પર્યાવરણ દિવસ'ની ઉત્સાહભેર ઉજવણી કરવામાં આવી રહી છે, ત્યારે મોડાસા નગરપાલિકા દ્વારા પણ પર્યાવરણની જાળવણી માટે સરાહનીય પગલું ભરવામાં આવ્યું છે. પાલિકા તંત્ર દ્વારા આ નિમિત્તે મોડાસા શહેરના વિવિધ વિસ્તારોમાં વિશેષ વૃક્ષારોપણ કાર્યક્રમનું આયોજન કરવામાં આવ્યું હતું. નગરપાલિકાના પદાધિકારીઓ, અધિકારીઓ અને સ્ટાફે ઉત્સાહપૂર્વક છોડ વાવીને નગરજનોને વધુમાં વધુ વૃક્ષો વાવવા અને ગ્રીન મોડાસાના સંકલ્પને સાર્થક કરવા પ્રેરક સંદેશ આપ્યો હતો.