પાટણ ના સાંઈબાબા નગર સોસાયટી આગળ લાંબા સમયથી ગટરનું ગંદુ પાણી ભરાઈ રહેવાની ગંભીર સમસ્યાને લઈને પાટણના ધારાસભ્ય ડૉ. કિરીટ પટેલ દ્વારા તંત્રને ૧૦ દિવસનું અલ્ટીમેટમ આપવામાં આવ્યું હતું.આ અલ્ટીમેટમ ગુરુવારે પૂર્ણ થઈ રહ્યું છે.
જો ગુરુવાર સુધીમાં આ સમસ્યાનો કાયમી ઉકેલ નહીં આવે, તો પ્રજાના હક અને હિત માટે ધારાસભ્ય ડૉ. કિરીટ પટેલ શુક્રવાર, તા. ૧૧/૯/૨૦૨૬ના રોજ ગાંધીનગર ખાતે શહેરી વિકાસ વિભાગના સેક્રેટરી અથવા RCM કચેરીની બહાર ધરણા પર બેસશે.પ્રજાની સમસ્યાનો કાયમી ઉકેલ નહિ આવે ત્યાં સુધી ધારાસભ્ય દ્વારા પ્રજાના આ મહત્વ ના પ્રશ્ને તેઓનો સંઘર્ષ ચાલુ રહેશે તેવું ધારાસભ્ય ડો. કિરીટ પટેલે જણાવ્યું હતું.
