ડીસા નજીક નિર્માણ પામી રહેલું રાજ્યનું સૌથી મોટું ઝુઓલોજીકલ પાર્ક ઉત્તર ગુજરાતના પ્રવાસન ક્ષેત્રે એક ઐતિહાસિક ક્રાંતિ સર્જવા જઈ રહ્યું છે. આ અત્યાધુનિક પ્રાણી સંગ્રહાલય અને જંગલ સફારી માત્ર વન્ય જીવોના સંરક્ષણનું કેન્દ્ર નહીં, પરંતુ સમગ્ર પ્રદેશના આર્થિક અને સામાજિક વિકાસનું એક મજબૂત એન્જિન સાબિત થશે.
પ્રવાસીઓ માટે ખાસ સફારી વાહનો દ્વારા ખુલ્લા વાતાવરણમાં વન્ય જીવોને નજીકથી નિહાળવાની રોમાંચક સુવિધા ઊભી કરાશે.આ ઉપરાંત બાળકો માટે એજ્યુકેશનલ ઝોન, પર્યાવરણ જાગૃતિ કેન્દ્ર, સંશોધન ક્ષેત્ર અને પ્રવાસીઓ માટે વિશ્વસ્તરીય વિશ્રામ ગૃહો અને કેફેટેરિયાનું નિર્માણ થઈ રહ્યું છે. મંત્રી પ્રવીણભાઈ મળીએ ઝુઓલોજીકલ પાર્કની સમીક્ષા દરમિયાન અધિકારીઓને કામગીરી ઝડપી અને ગુણવત્તા સભર રીતે પૂર્ણ કરવા સૂચનાઓ આપવામાં આવી છે. આ પાર્ક કાર્યરત થવાથી સ્થાનિક યુવાનો માટે ગાઈડ, સિક્યોરિટી, મેન્ટેનન્સ અને હોસ્પિટાલિટી ક્ષેત્રે પ્રત્યક્ષ અને પરોક્ષ રોજગારીની હજારો તકો ઊભી થશે. ડીસાનું આ નવું નજરાણું ઉત્તર ગુજરાતને ગ્લોબલ ટુરિઝમ મેપ પર મજબૂત સ્થાન અપાવશે.
