વાવ ધરણીધર તાલુકા દલિત સંગઠન દ્વારા વિદ્યાર્થીઓની સુવિધાઓ અંગે આવેદનપત્ર પાઠવાયું

વાવ અને ધરણીધર તાલુકા દલિત સંગઠનના મિત્રો દ્વારા વાવ તાલુકા શિક્ષણ  વિભાગના કેળવણી નિરીક્ષકને એક આવેદન પત્ર પાઠવી જણાવવામાં આવ્યું હતું કે, અમો એ વાવ અને ધરણીધર તાલુકાની 25 શાળાઓમાં પહોંચી જાતે સર્વ કર્યા મુજબ 19 શાળામાં  છેલ્લા 2 વર્ષથી શેક્ષણિક તેમજ ભૌતિક સુવિધાઓનો અભાવ છે. જેમાં મુખ્યત્વે શિક્ષકોની ઘટ છે. કુંડાળીયા પ્રા.શાળામાં 14 શિક્ષકોના મહેકમ સામે માત્ર 7 શિક્ષકો છે. તેમજ અન્ય ભૌતિક સુવિધાઓનો પણ અભાવ છે. જવાબદાર તંત્ર અમારી માંગને  ધ્યાને લઇ જો યોગ્ય નિર્ણય લેવામાં નહિ આવે તો આંદોલન કરવાની ફરજ બનશે.