સાબરકાંઠામાં મેઘતાંડવ: એક કલાકમાં ૨ ઇંચ વરસાદથી હિંમતનગરમાં જળબંબાકારની સ્થિતિ

સાબરકાંઠા જિલ્લામાં હવામાન વિભાગની આગાહી વચ્ચે મેઘરાજાએ તોફાની બેટિંગ શરૂ કરી છે. જિલ્લાના ત્રણ તાલુકાઓમાં માત્ર એક કલાકની અંદર બે-બે ઇંચ જેટલો ધોધમાર વરસાદ ખાબકતા સમગ્ર પંથકમાં પાણી પાણી થઈ ગયું છે. ખાસ કરીને હિંમતનગરમાં આભ ફાટ્યું હોય તેવી સ્થિતિ સર્જાતા મુખ્ય માર્ગો અને નીચાણવાળા વિસ્તારો જળબંબાકાર બન્યા છે. રસ્તાઓ પર નદીઓ વહેતી થતાં વાહનવ્યવહારને ભારે અસર પહોંચી છે અને વાહનચાલકો અટવાયા છે.