મેઘરજ પોલીસની સફળતા: અપહરણ કેસનો ફરાર આરોપી કડીમાંથી ઝડપાયો

મેઘરજ પોલીસને અપહરણના ગુનામાં એક મોટી સફળતા મળી છે. છેલ્લા કેટલાક સમયથી પોલીસને હાથતાળી આપીને નાસતો ફરતો અપહરણ કેસનો મુખ્ય ફરાર આરોપી કિશન મીણા અંતે પોલીસના સકંજામાં આવી ગયો છે. મેઘરજ પોલીસે ટેકનિકલ સોર્સિસ અને બાતમીદારોની મદદથી સચોટ ઓપરેશન પાર પાડીને આરોપીને કડી ખાતેથી ઝડપી પાડ્યો છે. આ સાથે જ પોલીસે તેની ચુંગાલમાંથી ભોગ બનનાર સગીરાને પણ હેમખેમ શોધી કાઢીને આગળની કાયદેસરની કાર્યવાહી હાથ ધરી છે.