₹3.24 લાખનો વિદેશી દારૂ અને વાહન જપ્ત:ચાલક ફરાર
બનાસકાંઠા પોલીસે ડીસા રૂરલ પોલીસ સ્ટેશન વિસ્તારમાં શેરગંજ ગામ નજીક બનાસ નદીના પટમાં નાકાબંધી દરમિયાન મોટી કાર્યવાહી કરી હતી. નંબર પ્લેટ વગરના ટીવીએસ જ્યુપીટરમાંથી ભારતીય બનાવટનો વિદેશી દારૂનો જથ્થો ઝડપી પાડ્યો હતો. જોકે, વાહનચાલક પોલીસને જોઈ સ્થળ પરથી ફરાર થઈ ગયો હતો. પોલીસે સ્કૂટરમાંથી વિદેશી દારૂની 68 બોટલો (કિંમત ₹2,54,636) તેમજ ટીવીએસ જ્યુપીટર (કિંમત ₹70,000) મળી કુલ ₹3,24,636નો મુદ્દામાલ કબજે કર્યો છે.
એલસીબી ટીમે ગુપ્ત બાતમીના આધારે નાકાબંધી ગોઠવી હતી. જોકે, જયુપીટર ચાલક પોલીસને હાથતાળી આપી ફરાર થઇ ગયો હતો.દરમિયાન નંબર વગરના જયુપીટરમાંથી વિદેશી દારૂ મળી આવ્યો હતો. પ્રાથમિક તપાસમાં રાજસ્થાન માંથી ગેરકાયદેસર રીતે દારૂ ગુજરાતમાં ઘુસાડવાનું ષડયંત્ર હોવાનું સામે આવ્યું છે. ફરાર આરોપી સામે ડીસા રૂરલ પોલીસ સ્ટેશનમાં પ્રોહિબિશન અધિનિયમ હેઠળ ગુનો નોંધાયો છે. અને તેની શોધખોળ શરૂ કરવામાં આવી છે.
જપ્ત મુદ્દામાલ
વિદેશી દારૂની 68 બોટલો – ₹2,54,636
ટીવીએસ જ્યુપીટર – ₹70,000
કુલ મુદ્દામાલ – ₹3,24,636
