ખેડબ્રહ્મા: જનરલ હોસ્પિટલ પાસે વહીવટી તંત્રનું બુલડોઝર ફર્યું, દબાણો હટાવાતા મહિલાનો ઉગ્ર વિરોધ

ખેડબ્રહ્મા શહેરમાં જનરલ હોસ્પિટલના ગેટ પાસે વર્ષોથી જમાવટ કરી રહેલા દબાણો પર આજે તંત્રએ લાલ આંખ કરી છે. હોસ્પિટલની સુરક્ષા માટે નવી પ્રોટેક્શન દીવાલના નિર્માણમાં નડતરરૂપ બનતા કાચા-પાકા દબાણોને વહીવટી તંત્ર દ્વારા પોલીસ બંદોબસ્ત સાથે દૂર કરવામાં આવ્યા હતા. જોકે, આ કામગીરી દરમિયાન એક મહિલાએ આક્રમક વિરોધ નોંધાવતા વાતાવરણમાં તંગદિલી સર્જાઈ હતી. દર્દીઓની સુવિધા અને હોસ્પિટલના આધુનિકીકરણ માટે લેવાયેલા આ કડક નિર્ણયને પગલે રસ્તાઓ ખુલ્લા થયા છે, પરંતુ મહિલાના વિરોધે સ્થાનિક સ્તરે ભારે ચર્ચા જગાડી છે.