ડીસામાં બીડીકામદાર સોસાયટીની બાજુમાં મોટી ગટર પસાર થાય છે. ત્યારે અચાનક પાંચ ઇચ વરસાદ ખાબકતા ગટર તૂટી જતાં ગટરોનું ગંદુ પાણી ઘરોમાં ઘુસી જતા લોકોએ નગરપાલિકા રોષ ઠાલવી વિરોધ વ્યક્ત કર્યો હતો.
મળતી માહિતી મુજબ ડીસા બીડીકામદાર સોસાયટીમાં મોટી સંખ્યામા લોકો રહે છે. ત્યારે નગર પાલિકાની બેદરકારીથી ગટરો રીપેરીંગ ન કરાવતા આખરે તૂટી હતા. કુરેશી ફાતમાબેન અબ્દુલહમિદભાઈ સહિત ૧૦ ઘરોમાં પાણી ભરાઈ જતાં ખાદ્ય સામગ્રી હજજારો રૂપિયાના માલ સમાન પાણીમાં પલડી જતાં મોટું નુકસાન થવા પામ્યું હતું. આ અંગે નગરપાલિકા પ્રમુખ દ્વારા સર્વે કરી લોકોને રાહત પહોચાડે તેવી માંગ કરી હતી. જ્યારે ગટરો તાત્કાલિક રીપેરીંગ કરવામાં આવે તેવી માંગ કરી હતી.
