સાબરકાંઠા જિલ્લામાં ગુજરાત લાઇવલીહુડ પ્રમોશન કંપની લિ., ગાંધીનગર તથા જિલ્લા ગ્રામ વિકાસ એજન્સી, સાબરકાંઠાના સંયુક્ત ઉપક્રમે સાબરકાંઠા જિલ્લાના ખેડબ્રહ્મા ખાતે FNHW (Food, Nutrition, Health & WASH) અંતર્ગત ચાર દિવસીય ToT (Training of Trainers) તાલીમ કાર્યક્રમનો શુભારંભ કરવામાં આવ્યો હતો.
આ ચાર દિવસીય તાલીમમાં સાબરકાંઠા, અરવલ્લી, મહેસાણા, બનાસકાંઠા તથા વાવ-થરાદ જિલ્લાના NRLM અંતર્ગત જિલ્લા અને તાલુકા કક્ષાના આશરે 50 જેટલા કર્મચારીઓ ભાગ લઈ રહ્યા છે. તાલીમ કાર્યક્રમમાં NRID-PR, હૈદરાબાદના નેશનલ રિસોર્સ પર્સન શ્રી આશિષ કુમાર સિંગ દ્વારા FNHW અંતર્ગત વિવિધ મહત્વપૂર્ણ વિષયો અંગે તાલીમાર્થીઓને માર્ગદર્શન આપવામાં આવશે. તાલીમનો મુખ્ય હેતુ જિલ્લા અને તાલુકા કક્ષાના કર્મચારીઓની ક્ષમતા વધારીને FNHWની પ્રવૃત્તિઓને ગ્રામ્ય સ્તર સુધી વધુ અસરકારક રીતે પહોંચાડવાનો છે.
FNHW અંતર્ગત ખોરાક, પોષણ, આરોગ્ય અને સ્વચ્છતા જેવા મહત્વપૂર્ણ મુદ્દાઓ અંગે ગ્રામ્ય પરિવારોમાં જાગૃતિ લાવવા તથા મહિલાઓ અને સમુદાયને સશક્ત બનાવવા માટે NRLM દ્વારા વિવિધ સ્તરે કામગીરી કરવામાં આવી રહી છે. આ ToT તાલીમ દ્વારા તાલીમાર્થીઓને જરૂરી જ્ઞાન અને કૌશલ્યથી સજ્જ કરી આગળના તબક્કે અન્ય કર્મચારીઓ તથા સમુદાયને તાલીમ આપી શકાય તે માટે તૈયાર કરવામાં આવશે.
આ તાલીમ કાર્યક્રમથી FNHWના સંદેશને વધુ વ્યાપક સ્તરે પહોંચાડવામાં અને ગ્રામ્ય પરિવારોમાં પોષણ, આરોગ્ય તથા સ્વચ્છતા અંગે જાગૃતિ વધારવામાં મહત્વપૂર્ણ યોગદાન મળશે. આ તાલીમ કાર્યક્રમના શુભારંભ પ્રસંગે NRID-PR, હૈદરાબાદના શ્રી આશિષ કુમાર સિંગ, શ્રી હર્ષદ રાઠોડ, GM-SISD, GLPC ગાંધીનગર, ખેડબ્રહ્મા ટીડીઓ શ્રી નીતિન ચૌધરી, APO (વહીવટ) શ્રીમતી કૈલાસ રાજગોર, DRDA સાબરકાંઠા, DLM શ્રીમતી મિન્નત મન્સૂરી સહિતના મહાનુભાવો ઉપસ્થિત રહ્યા હતા.
