પૂર્વ નગરસેવક સહિત વિસ્તારના યુવાનોએ માગૅ પર પડેલા ખાડાઓનું જાતે જ પુરાણ કર્યુ
પાટણના વોર્ડ નં. 6 માં બિસ્માર રસ્તાથી પરેશાન બનેલ જનતાની પરેશાની દુર કરવામાં અસમર્થ બનેલ પાલિકા સામે નગરપાલિકાના પૂર્વ કોર્પોરેટર પી.જે.વાણિયાએ બુધવારે સ્થાનિકોને સાથે રાખી વિસ્તારના ઉબડ ખાબડ બનેલા માગૅ પરના ખાડાઓ જાતે રોડા- કોંક્રીટ થી પુરાણ કરવાની કામગીરી હાથ ધરતા પાલિકાના સતાધીશો સામે વિસ્તારના લોકોએ ધિક્કાર ની લાગણી વ્યક્ત કરી છે. પાટણ નગરપાલિકાના પૂર્વ નગરસેવક પી. જે. વાણિયાએ પાલિકાના સતાધીશોને ચિમકી આપતા જણાવ્યું હતું કે જો આ વોડૅ વિસ્તારના રોડ, રસ્તા અને સ્ટ્રીટ લાઈટ સહિત પંપીંગ સ્ટેશનની સમસ્યાનો બે દિવસમાં પાલિકા તંત્ર દ્વારા નિરાકરણ લાવવામાં નહિ આવે તો તેઓ વિસ્તારના લોકો સાથે પાલિકા કેમ્પસમાં ભૂખ હડતાલ પર બેસસે. પાટણ નગર પાલિકાના પૂર્વ નગરસેવક ની આ ચિમકી ને લઈ હાલમાં પાલિકા નું રાજકારણ ગરમાયું છે.
