અરવલ્લીના મેઘરજના ખેડૂતો સાથે લાખોની ઠગાઈ, ટ્રેક્ટર ભાડાના નામે 3 શખ્સો સામે ગુનો નોંધાયો

અરવલ્લી જિલ્લાના મેઘરજ પંથકમાં ભોળા ખેડૂતોને નિશાન બનાવી એક મસમોટી ઠગાઈનો કિસ્સો સામે આવ્યો છે. ટ્રેક્ટરને સારા ભાડાના કરાર પર રાખવાની લાલચ આપીને ૨૨ જેટલા ખેડૂતો સાથે રૂ. ૮૯ લાખથી વધુની રકમની છેતરપિંડી આચરવામાં આવી છે. વિશ્વાસમાં લઈને ટ્રેક્ટરો પડાવી લીધા બાદ ભાડું કે વાહન પરત ન આપતાં આખરે ભોગ બનનાર ખેડૂતોએ મેઘરજ પોલીસ મથકે ત્રણ શખ્સો સામે ફરિયાદ નોંધાવી છે. પોલીસે ગુનો નોંધી આરોપીઓને ઝડપી પાડવા ચક્રો ગતિમાન કર્યા છે, જ્યારે લાખોની આ ઠગાઈથી સ્થાનિક ખેડૂત આલમમાં ખળભળાટ મચી ગયો છે.