સાયબર ક્રાઇમ સામે ઇડરની નારી શક્તિ સજ્જ: 'સાયબર સેફ ગર્લ' અંતર્ગત મહિલાઓને જાગૃત કરાઈ

ઇડર ખાતે સાયબર સેફ ગર્લ અંતર્ગત મહિલા સુરક્ષા અંગે માર્ગદર્શન તા.15.6.2026 ને મંગળવારના રોજ શેઠ સી.કે. સરસ્વતી મંદિર ઇડર ખાતે સાયબર સેફ ગર્લ અંગે માહિતી અને માર્ગદર્શન વાર્તાલાપ યોજાયો. જેમાં ઇડર પોલીસ સ્ટેશનના એ.એસ.આઇ નીતાબેન મહિલા અને બાળ વિકાસ વિભાગના કાઉન્સેલર દર્શનાબેન વાળા અને તેમની ટીમ દ્વારા ઇમરજન્સી 112,1930, અને 1098 એ નંબરો વિશે માહિતી આપવામાં આવી હતી. સગીર વયની બાળાઓ અને મહિલાઓ પર થતા અત્યાચાર વિશે માર્ગદર્શન આપ્યું હતું. આ કાર્યક્રમનું આયોજન N.S.S ના કન્વીનર મમતાબેન જે મકવાણા દ્વારા કરવામાં આવ્યું હતું. આ કાર્યક્રમ માટે શાળાના આચાર્ય જયશ્રીબેન તેમજ શાળા પરિવારે સમગ્ર ટીમનો આભાર વ્યક્ત કર્યો હતો.