ભીલડી પંથકમાં ચાલુ વરસાદમાં વિજ તંત્રએ ૧ લાખ ૧૦ હજાર રૂપિયાનો દંડ ફટકાર્યો

વીજ તંત્રએ ૮ ટીમ બનાવી ડ્રાઈવ હાથ ધરી ; ૧૪ ખેડૂતોને ૧ લાખ ૧૦ હજારના સિંગલ ફેઝ વીજ ચોરી કરવા બદલે દંડ ફટકારવામાં આવ્યો  શુક્રવારના રોજ ચાલુ વરસાદમાં ભીલડી પંથકમાં વીજ તંત્ર દ્વારા જુદી જુદી ૮ ટીમો બનાવીને વીજચોરી મામલે ડ્રાઈવ યોજવામાં આવી હતી. જેમાં ૧૪ ખેડૂતોને વીજચોરી કરવા બદલ દંડ ફટકારી કુલ ૧ લાખ ૧૦ હજારની વીજ ચોરી ઝડપી લેવામાં આવી હતી. જેથી પંથકના વીજચોરોમાં ફફડાટ ફેલાયો હતો. ભીલડી પંથકમાં વીજ કંપની દ્વારા વીજ ચોરી પકડવા માટે ડ્રાઈવ હાથ ધરવામાં આવી હતી. જેમાં અલગ અલગ ૮ ટીમો બનાવીને ભીલડી પંથકના જુદા જુદા ગામડાઓમાં ખેડૂતોના સિંગલ ફેજના વીજ કનેક્શનો ચેક કરતા ૧૪ ખેડૂતોને રૂપિયા ૧ લાખ ૧૦ હજાર નો દંડ ફટકારવામાં આવ્યો હતો. જેના પગલે વીજચોરી કરતાં પકડાયેલાં ખેડૂતોને અંદાજે રૂપિયા રૂ ૧ લાખ ૧૦ હજાર નો દંડ ફટકારવામાં આવ્યો હતો આમ વીજ તંત્ર દ્વારા ચાલુ વરસાદમાં દરોડા પાડવામાં આવતા વિજ ચોરી કરતા ખેડૂતોમાં ફફડાટ વ્યાપી ગયો હતો.