દિવાળી વેકેશન : બનાસકાંઠા જિલ્લાની શાળાઓમાં આજથી ૨૧ દિવસનું દિવાળી વેકેશન

૧૬ ઓક્ટોબર થી ૫ નવેમ્બર સુધી  દિવાળી વેકેશન જાહેર કરવામાં આવ્યું સંત્રોત પરીક્ષા પુર્ણ થતા વિધાર્થીઓ હવે તહેવારોની ઉજવણી કરશે શાળા કોલેજોની પ્રથમ સંત્રોત પરીક્ષાઓ પુર્ણ થતાં તહેવારની સાથે વેકેશનનો પ્રારંભ થઇ રહ્યો છે. જીલ્લા પંચાયત શિક્ષણ સમિતિ હસ્તકની પ્રાથમિક શાળાઓ સહિત જીલ્લા ની માધ્યમિક અને ઉચ્ચતર માધ્યમિક શાળા માં ૧૬ ઓક્ટોબર એટલે કે, આજથી દીવાળી વેકેશન શરૂ થઈ રહ્યું છે. દિવાળીના તહેવારને ધ્યાનમાં રાખીને જિલ્લાના શિક્ષણ વિભાગ દ્વારા શાળાઓમાં દિવાળી વેકેશનની સત્તાવાર જાહેરાત કરવામાં આવી છે. જિલ્લાની તમામ પ્રાથમિક, માધ્યમિક અને ઉચ્ચતર માધ્યમિક શાળાઓમાં તારીખ ૧૬ ઓક્ટોબરથી ૫ નવેમ્બર, ૨૦૨૫ સુધી કુલ ૨૧ દિવસનું વેકેશન રહેશે. શિક્ષણ વિભાગ દ્વારા આ અંગેનો પરિપત્ર તમામ શાળાઓને મોકલી આપી વેકેશન જાહેર થતાં જ વિદ્યાર્થીઓ અને વાલીઓમાં ઉત્સાહનો માહોલ જોવા મળી રહ્યો છે. ૨૧ દિવસના આ લાંબા વિરામથી વિદ્યાર્થીઓને દિવાળીના તહેવારોની ઉજવણી કરવા અને પરિવાર સાથે સમય વિતાવવાનો પૂરતો અવકાશ મળશે. નોંધનીય છે કે, વેકેશન પૂર્ણ થયા બાદ ૬ નવેમ્બર, ૨૦૨૫ના રોજથી શાળાઓ રાબેતા મુજબ પુનઃ શરુ થશે અને દ્વિતીય સત્રનો પ્રારંભ થશે. શિક્ષણ વિભાગે તમામ શાળાઓને વેકેશન દરમિયાન શૈક્ષણિક કાર્યક્રમનું યોગ્ય આયોજન કરવા અને વેકેશન બાદ અભ્યાસક્રમ સમયસર પૂર્ણ થાય તે સુનિશ્ચિત કરવા સૂચના આપી છે. વેકેશનની જાહેરાતથી લાંબા સમયથી રાહ જોઈ રહેલા વિદ્યાર્થીઓને મોટી રાહત મળી છે, જેઓ હવે આનંદ અને ઉત્સાહ સાથે તહેવારોની ઉજવણી કરી શકશે. દિવાળી વેકેશનને લઇ શાળા કોલેજોના મેદાન સુમસામ બની રહશે વિદ્યાર્થીઓના કલરવથી સતત ગુંજતા શાળા કોલેજોના મેદાનો દીવાળી વેકેશનને લઇ સુમસામ બની રહશે. ૨૧ દીવસનું વેકેશન જાહેર થયુ છે. આજથી શાળાઓ અને કોલેજોમાં પણ વિધાર્થીઓ વિના મેદાનો પણ સુમસામ બની જશે.