સરસ્વતી તાલુકાના ખોડાણા ગામની શિલ્પાબેન પ્રવિણજી ઠાકોરે સીઆરપીએફની ટ્રેનિંગ પૂરી કરી છે. તેઓ રવિવારે પોતાના વતન પરત ફરતા ગ્રામજનોએ તેમજ તેમના સ્નેહીજનોએ તેમનું ભવ્ય સ્વાગત કર્યું હતું.ગ્રામજનો અને સ્નેહીજનો 5 કિલો
મીટર દૂરથી તેમની ગૌરવ યાત્રામાં જોડાયા હતા. ઢોલ અને શરણાઈના મધુર તાલે ભવ્ય શોભાયાત્રા કાઢવામાં આવી હતી, જેનાથી આખો માહોલ દેશભક્તિમય બની ગયો હતો.આ શોભાયાત્રા ગામના ચોકમાં પહોંચી હતી. ત્યાં સમગ્ર ગ્રામજનો અને સ્નેહીજનોએ શિલ્પાબેનના ઓવારણાં લઈ તેમને સન્માનિત કર્યા હતા.
