બનાસકાંઠા જિલ્લામાં માર્ગ અકસ્માતોના બનાવોમાં ચિંતાજનક વધારો જોવા મળી રહ્યો છે. ત્યારે ડીસા તાલુકાના કંસારી ગામ નજીક એક કાર ચાલકે સ્ટિયરિંગ પરનો કાબૂ ગુમાવતા અકસ્માત સર્જાયો હતો. અકસ્માત દરમિયાન કાર રોડ પરથી ફંગોળાઈ જઈ કંસારી ગામ ખાતે આવેલી ચામુંડા બિલ્ડિંગ મટીરિયલ્સની દુકાન આગળ પહોંચીને સિમેન્ટના પતરા તેમજ સિમેન્ટના બ્લોક્સને નુકસાન પહોંચાડ્યું હતું.
સદનસીબે અકસ્માત સમયે ત્યાં કોઈ વ્યક્તિ હાજર ન હોવાથી મોટી જાનહાનિ ટળી હતી. ઘટનાના પગલે આસપાસના લોકો દોડી આવ્યા હતા અને કારને થયેલા નુકસાન સાથે દુકાનને પણ નુકસાન પહોંચ્યું હોવાનું જાણવા મળ્યું છે.
