ખેડબ્રહ્માના સરદાર ચોકમાં આખલાઓ બાખડ્યા: વેપારીનું મોપેડ અડફેટે, જાનહાનિ ટળી

ખેડબ્રહ્મા શહેરમાં રખડતા ઢોરનો ત્રાસ દિવસે-દિવસે વધી રહ્યો છે, જેનું તાજેતરનું ઉદાહરણ સરદાર ચોક ખાતે જોવા મળ્યું છે. અહીં અચાનક બે આખલાઓ બાખડી પડતા ભારે અફરાતફરી મચી ગઈ હતી. આ લડાઈ દરમિયાન નજીકમાં ઊભેલું એક વેપારીનું મોપેડ આખલાઓની અડફેટે આવી ગયું હતું, જેને કારણે વાહનને મોટું નુકસાન થયું છે. જોકે, સદનસીબે આ અકસ્માતમાં કોઈ જાનહાનિ થઈ નહોતી, પરંતુ સ્થાનિક વેપારીઓમાં રખડતા પશુઓને લઈને ભારે રોષ જોવા મળી રહ્યો છે.