હિંમતનગરમાં બાઈક ચોરી કરતી ગેંગ સક્રિય, ફૂટેજના આધારે પોલીસ તપાસ તેજ

હિંમતનગર શહેરમાં વાહન ચોર ગેંગ ફરી એકવાર સક્રિય થઈ હોય તેવું લાગી રહ્યું છે. હિંમતનગરના એક પ્રતિષ્ઠિત લેબોરેટરીની બહારથી રાત્રિના અંધકારમાં બે અજાણ્યા યુવાનો દ્વારા બાઈક ચોરી કરી હોવાની ઘટના સામે આવી છે. આ સમગ્ર ચોરીની ઘટના નજીકમાં લગાવેલા CCTV કેમેરામાં કેદ થઈ ગઈ છે. વીડિયો ફૂટેજ સામે આવ્યા બાદ સ્થાનિક પોલીસે ગુનો નોંધીને તસ્કરોને ઝડપી પાડવા માટે ચક્રો ગતિમાન કર્યા છે.