ગુજરાત સરકારની પ્રોહિબિશન (દારૂબંધી) અંગેની 'ઝીરો ટોલરન્સ' નીતિ અંતર્ગત બનાસકાંઠા લોકલ ક્રાઈમ બ્રાંચ (LCB) પાલનપુરને એક મોટી સફળતા મળી છે. રાજસ્થાન સરહદેથી ગુજરાતમાં ગેરકાયદેસર રીતે ઘુસાડવામાં આવી રહેલો પંજાબ નિર્મિત વિદેશી બિયરનો એક બહુ મોટો જથ્થો પોલીસે ઝડપી પાડ્યો છે. બનાસકાંઠા જિલ્લાના પોલીસ ઇતિહાસમાં આટલી મોટી માત્રામાં બિયરનો જથ્થો પકડાવાની આ પ્રથમ ઘટના છે.
શંકાસ્પદ ટાટા ટ્રેલર ટ્રક નં. RJ-19-GG-0022 ને રોકીને જ્યારે તેની સઘન તલાશી લેવામાં આવી, ત્યારે ટ્રકમાં ચોખાના ભુસાની આડમાં છુપાવેલો પંજાબ રાજ્યનો વિદેશી બિયરનો મોટો જથ્થો મળી આવ્યો હતો. પોલીસે ઘટના સ્થળેથી બિયર પેટી નંગ: ૧૩૦૬ કુલ બિયર બોટલ નંગ: ૩૧,૩૪૪ (કિંમત રૂ. ૫૮,૫૮,૭૧૨) ટ્રક સહિત કુલ મુદ્દામાલ: રૂ. ૧,૦૩,૫૮,૭૧૨આ આખી કામગીરી એલ.સી.બી.ના પી.આઈ. ડી.એમ.રાઠોડ, પી.એસ.આઈ. આર.બી.જાડેજા તથા જે.એસ.ગઢવી અને તેમની અલગ-અલગ ટીમો દ્વારા સફળતાપૂર્વક પાર પાડવામાં આવી છે. ગેરકાયદેસર હેરફેર કરનાર ટ્રેલર ટ્રકના ચાલક વિરૂદ્ધ ડીસા રૂરલ પોલીસ સ્ટેશનમાં ગુનો નોંધી આગળની કાયદેસરની કાર્યવાહી હાથ ધરવામાં આવી છે.
