અંબાજી; એસપી પ્રશાંત સુમ્બેએ પોલીસ વડા તરીકેનો ચાર્જ સાંભાળ્યો, અંબાજી માતાના દર્શન કર્યા

બનાસકાંઠા જિલ્લાના નવા પોલીસ અધીક્ષક તરીકે પ્રશાંત સુમ્બેએ આજે સવારે અંબાજી માતાના દર્શન કર્યા. જિલ્લાની પરંપરા અનુસાર, કોઈપણ નવા આઈએએસ કે આઈપીએસ અધિકારી ચાર્જ સંભાળતા પહેલા માતાજીના આશીર્વાદ લે છે. પ્રશાંત સુમ્બેના આગમન પર પોલીસ વિભાગ અને મંદિર ટ્રસ્ટના પદાધિકારીઓએ તેમનું ઔપચારિક સ્વાગત કર્યું. તેમણે અંબાજી મંદિરમાં પૂજા-અર્ચના કરી અને મંદિરના શિખર પર ધજા અર્પણ કરી. મીડિયા સાથેની વાતચીતમાં તેમણે જિલ્લાની કાયદો અને વ્યવસ્થાની સ્થિતિ અંગે ચર્ચા કરી. બનાસકાંઠા જિલ્લાના પોલીસ વડા તરીકેનો ચાર્જ સંભાળતા પહેલા માતાજીના આશીર્વાદ લેવાની આ પરંપરા વર્ષોથી જળવાઈ રહી છે.