આગથળા પોલીસની મોટી સફળતા: હડાદની વાહન ચોરીના ગુનામાં આરોપી બાઈક સાથે ઝડપી પાડ્યો

બોરડીયાલા ગામેથી ચોરાયેલી રૂ.૩૦ હજારની મોટરસાયકલ કબજે; આરોપીને હડાદ પોલીસને સોંપી આગળની કાર્યવાહી હાથ ધરાઈ

પોલીસ મહાનિરીક્ષક પરીક્ષીતા રાઠોડ રેન્જ બનાસકાંઠા પાલનપુર તથા વાવ-થરાદ જીલ્લા પોલીસ અધિક્ષક ચિંતન તેરૈયા નાઓએ જીલ્લામાં બનતા ચોરીના ગુનાઓ શોધી કાઢવા સુચના કરતા તથા એસ.આર.ભારાઈ દિયોદર વિભાગ તથા એમ.બી.રાઠોડ પો.ઈન્સ.આગથળા નાઓના માર્ગદર્શન હેઠળ. આગથળા પો.સ્ટેના પોલીસ સ્ટાફના માણસો આગથળા પો.સ્ટે વિસ્તારમા પેટ્રોલીંગમા હતા. 

તે દરમ્યાન બાતમી હકીકત આધારે એક મો.સા.જેનો રજી નં-GJ-08-CN-6524 ના ચાલકને ઉભુ રખાવી સાધનિક કાગળો માંગતા કોઈ સંતોષકારક જવાબ આપેલ નહીં જેથી પકડાયેલ ઇસમને સઘન પુછપરછ કરતા બનાસકાંઠા જીલ્લાના હડાદ તાલુકાના બોરડીયાલા ગામ મુકામેથી મોટર સાઈકલ ચોરી કરી લાવેલ હોવાનું જણાવેલ જે મોટર સાઈકલ બી.એન.એસ.એસ.કલમ-૧૦૬ મુજબ કબ્જે કરી પકડાયેલ ઇસમ વિરૂધ્ધ કાયદેસરની કાર્યવાડી કરી બનાસકાંઠા જીલ્લાના હડાદ પો.સ્ટે મુકામે આગળની કાર્યવાહી કરવા સારૂ સોપવામા આવેલ છે.