પાલનપુર-અમદાવાદ હાઇવે પર જગાણા બ્રિજ ઉપર આજે ટ્રક અને એક્ટિવા વચ્ચે ગંભીર અકસ્માત સર્જાયો હતો. અકસ્માતમાં એક્ટિવા ચલાવી રહેલી મહિલા ટ્રકની અડફેટે આવતા ગંભીર રીતે ઘાયલ થઈ હતી.
મળતી માહિતી મુજબ, ભરકાવાડા ગ્રામ પંચાયતમાં તલાટી તરીકે ફરજ બજાવતા પાયલબેન જીતાભાઈ ચૌધરી એક્ટિવા પર જઈ રહ્યા હતા. ત્યારે જગાણા બ્રિજ ઉપર ટ્રક સાથે અકસ્માત સર્જાયો હતો. અકસ્માત એટલો ગંભીર હતો કે મહિલા ટ્રકની નીચે આવી જતા તેમને ગંભીર ઇજાઓ પહોંચી હતી. અકસ્માતની જાણ થતાં સ્થાનિક લોકો ઘટના સ્થળે દોડી આવ્યા હતા. અને ગંભીર રીતે ઘાયલ મહિલાને તાત્કાલિક સારવાર માટે પાલનપુર સિવિલ હોસ્પિટલમાં ખસેડવામાં આવ્યા હતા. ઘટનાની જાણ થતાં પાલનપુર તાલુકા પોલીસ પણ સ્થળ પર પહોંચી હતી. અને અકસ્માત અંગે વધુ તપાસ હાથ ધરી છે.
