ડીસાના લાટી બજાર સ્થિત પંડિત દીનદયાળ ઉપાધ્યાય દિવ્યાંગ ભવન ખાતે ડીસા દક્ષિણ પોલીસ ટીમ અને સમાજસેવકો દ્વારા માનવતાપૂર્વકનો કાર્યક્રમ યોજાયો હતો. ડીસા દક્ષિણ પીઆઇએમ.બી. કોટવાલ, ઉત્તર પીઆઇ એ.આર. ખત્રી અને પોલીસ ટીમે દિવ્યાંગ તથા જરૂરિયાતમંદ બાળકો સાથે સમય વિતાવી, તેમને સ્વાદિષ્ટ ભોજન પીરસી વાર્તાલાપ કર્યો હતો.
આ પ્રસંગે સેવાભાવી સમાજસેવક સુરેન્દ્રસિંહ રાઠોડે એક દિવ્યાંગ દીકરીને દત્તક લઈ, તેના શિક્ષણ અને સારસંભાળ માટે જીવનભર મોટા ભાઈ તરીકેની જવાબદારી સ્વીકારી ઉત્કૃષ્ટ ઉદાહરણ પૂરું પાડ્યું હતું. પોલીસ પરિવાર અને સમાજસેવકની આ સંવેદનશીલ પહેલથી બાળકો અને સંચાલકોમાં ભારે આનંદ છવાયો હતો.
