પાટણ શહેરમાં એક સગીરાની છેડતી કરવા બદલ યુવાન સામે ગુનો નોંધાયો છે. પાટણ સિટી એ ડિવિઝન પોલીસે ભારતીય ન્યાય સંહિતા (BNS) અને પોક્સો એક્ટ હેઠળ કેસ દાખલ કરી તપાસ શરૂ કરી છે.
આ કેસમાં શાંતિનાથ સોસાયટી, હાંસાપુર રોડ, પાટણ નિવાસી દેવજી રાવળ નામના યુવાન સામે ફરિયાદ નોંધાઈ છે. આરોપી 17 વર્ષીય સગીરાનો અવારનવાર પીછો કરીને તેને હેરાન કરતો હતો. ઘટના 18 જૂન, 2026ના રોજ સવારે 9 થી બપોરના 1 વાગ્યા દરમિયાન બની હતી. પાટણમાં એક ફ્લેટના ત્રીજા માળે આરોપીએ સગીરા પર શારીરિક અડપલાં કર્યા હતા.
ભોગ બનનાર સગીરાના પરિવારે પાટણ સિટી એ ડિવિઝન પોલીસ સ્ટેશનમાં ફરિયાદનોંધાવી છે. પોલીસે આરોપી દેવજી રાવળ વિરુદ્ધ BNS કલમ 75(2), 78(2) તથા પોક્સો એક્ટ કલમ 11(4) અને 12 હેઠળ ગુનો નોંધી વધુ તપાસ હાથ ધરી હોવાનું જાણવા મળ્યું છે.
